Avokati i Popullit ka njoftuar se ka nisur hetimet lidhur me rastin e vdekjes së 4 vjeçares nga Gjakova në QKUK.

Me anë të një komunikate, Avokati i Popullit ka shprehur shqetësimin lkidhur me rastin, shkruan Arbresh.info.

“E drejta në jetë është një e drejtë universale për të gjitha qeniet njerëzore, dhe si e tillë mbrohet me Kushtetutë dhe Konventën për të Drejtat e Fëmijës. Të drejtat e tjera të njeriut ekzistojnë vetëm kur ekziston e drejta për jetën.”, thuhet në njoftim.

Më tej, Avokati i Popullit u ka bërë thirrje institucioeneve që të ndërmarrin sa më parë veprimet e nevojshme.

“Mbrojtja e jetës së fëmijës është detyrimi kryesor për çdo person, institucion apo organ tjetër. Marrë parasysh ndjeshmërinë e rastit Avokati i Popullit u bën thirrje institucioneve të ndërmarrin sa më parë veprimet e nevojshme sipas legjislacionit në fuqi.”, thuhet ndër të tjera në njoftim.

Pos hetimeve, Avokati ka premtuar edhe monitorim që të sigurojë që të gjitah institucionet përgjegjëse po i ndërmarrin masat e përcaktuara me ligj./Arbresh.info/

Lidhur me rastin ka reaguar edhe Spitali i Gjakovës pas raportimeve për vdekjen e një vajze 4-vjeçare e cila fillimisht ishte trajtuar në këtë spital.rasti fillimisht ishte referuar nga urgjenca e mjekësisë familjare, për në Repartin e Pediatrisë.

“Spitali i Përgjithshëm “Isa Grezda”, në Gjakovë, në lidhje me raportimet për trajtimin e fëmiut (4 vjeçar), fillimisht ju njofton se me datë 16 shkurt 2024, rasti ishte referuar nga urgjenca e mjekësisë familjare, për në Repartin e Pediatrisë, ku pas konsultimit me Pediatrin, Ortopedin dhe Kirurgun , fëmija ndalohet për trajtim të mëtejmë në repartin e Kirugjisë”, thuhet në reagimin e tyre.

Tutje thuhet se, nga sptitali kanë ofruar të gjitha dokumentet e kërkuar nga Policia dhe Prokuroria.

LEXO EDHE:

Vdekja e 4 vjeçares, reagojnë nga Spitali i Gjakovës: Kemi ofruar të gjitha dokumentet e kërkuar nga Policia dhe Prokuroria

Reagime pati edhe nga Koalicioni i OJQ-ve për Mbrojtjen e Fëmijëve (KOMF) i cili ka bërë thirrje që institucionet përgjegjëse në përmbushje të mandatit të tyre, të trajtojnë me prioritet absolut rastin dhe të ndërmarrin në mënyrë të menjëhershme veprimet dhe masat e nevojshme sipas legjislacionit në fuqi.

LEXO EDHE:

Vdekja e 4 vjeçares nga Gjakova, reagon Koalicioni i OJQ-së për Mbrojtjen e Fëmijëve

Ndërkaq, Shoqata e të Drejtave të Pacientëve në Kosovë – PRAK u shpreh se kjo ka të bëj me një menaxhim jo të mirë të rastit, teksa  ka kritikuar rëndë sistemin shëndetësor, mungesën e profesionalizmit dhe neglizhencën e një pjese të stafit shëndetësor në menaxhimin e rasteve./Arbresh.info/

LEXO EDHE:

Vdekja e 4 vjeçares nga Gjakova, reagon Shoqata e të Drejtave të Pacientëve